Job 6

Job

1 Tua ciangin Job in dawnga:

2 “Ka lunggimna kikhai thei henla
ka haksatna khempeuh kiteh theih beek lepawh! ^a
3 Tuipi gei-a sehnel teng lekzaw ngel inteh - ^b
tua hangin kamkhauh a pau kha ka hi ta ve! ^c
4 Vanglianpa thaltangte ka sungah om a, ^d
a gu ka sungah kidiah hi. ^e
Pasian lauhuainate in kei hong do uh hi. ^f
5 Gamsung laate lopa nona ah ham uh hiam, ^g
ahikeh an tamna munah bawngtal ham ahi hiam? ^h
6 An limlote cisawh lohin kine hiam,
ahikeh aktui dakang in limna nei ahi hiam? ^{▼▼6.6 Hebrew in hih gualbup a khiatna kician lo hi.
,} ^j
7 Tuate ka lawng nuam kei hi,
tua bang ante in ka ci nasak hi.
8 “Ka ngetna ngah thei ding hi leng a
Pasian in ka lamet bang hong sang ding hi in, ^k
9 Pasian in kei hong sucip nuam ding hi henla ^l
a khut zanin kei hong that mai leh! ^m
10 Tua ciangin Siangtho Pa’ thute ka nial lohna - ⁿ
ka thuak sahpi hangin ka nuam ding hi - ^o
cih ka kihehnem lai veve ding hi.
11 “Lametna ka neih lai nadingin ka tha hat nawn ahi hiam?
Ka lungduai zawh nadingin bang lamen lai ding ka hi hiam?
12 Kei in suang thahatna nei ka hi hiam?
Ka satakte sumngo ahi hiam? ^p
13 Tu-in zawhna in hong taisat nungsang
kei le kei kihuh zo lai ka hi hiam?
14 “Lametna bei mipa in Thahatpa a kihta kei zongin
a lawmte it ding kisam hi. ^q
15 Ahi hangin ka sanggamte a kimuang thei lo
lui pana letkhia tuisam luanglet bang uh a,
16 nin a khalhnelh vuk,
vuk a tui cianga a khang, ^r
17 ahi hangin khua keu hun cianga a luang nawn lo,
ni a sat cianga a luanna ah a kangcip luitui bang lel na hi uh hi. ^s
18 Khualzin mite a lampi panin pial uh a;
gam simthamah tungin kisia uh hi.
19 Tema khualzinte in tui zong uh a, ^t
Sheba sumbuk khualzinte in lamenin en uh hi. ^u
20 Amaute in a muan mahmah uh hangin lungdong uh hi.
Tua phual tung uh a, cimawh uh hi. ^v
21 Tu-in note in zong tua mah bangin nong huh theih nading uh om lo hi;
a kihtakhuai pawlkhat mu le uh cin na lau uh hi. ^w
22 ‘Kei tangin na khatpeuh na piaksak un,
note neihsa panin bang khatin kei hong tan un, ^x
23 ka galte khut pan hong hukhia un,
kei hong nengcipte gamtatna panin hong tankhia un,’ hong ci ngei ka hi hiam?
24 “Hong hilh le uh cin ka daipah ding hi; ^y
ka khialhnasa mun hong lak dih un. ^z
25 Amaan kammalte thuakhak mahmah hi! ^aa
Ahi zongin no hong taihilhna in bang phatuamsak ahi hiam?
26 Ka gente sittel hong sawma huih let banga
cimawh mi kammalte thupi sim na hi uh hiam?
27 Pa nei lote adingin ai nangawn sanin ^ab
na lawmte uh zuakmang na sawm uh hi.
28 “Ahi zongin tu-in kei hong en unla hong hehpih un. ^ac
Note mai-ah zuauphuak ding ka hi hiam?
29 Ngaihsun pha un, thutang lo kha kei un; ^ad
ngaihsun kik lai dih un, ka cihtakna lauhuai din mun tung ta hi. ^{▼▼6.29 Ahikeh thumaanna a kip lai hi.
,} ^af
30 Ka muk panin kamsia khatpeuh ka pau kha hiam? ^ag
Ka kam in a sia a pha khentel thei lo hi, na ci uh hiam? ^ah